ကုင်တအာင်း၊ တံပ်အွံရ်ပ်ုန်လောတ်ကပီုန်တအာင်း-PSLF/TNLA ဖုင်ကာ်မ်မတီဇီုင်းကာန်တီုက်ယာႈအရေးခံင်ယိူည်ႇ ဆီုပ်ရေဲန်ပါင်ကတူႈကငျားတောပ် ကူန်ရဝ်မာဂါင်ဂဲ အီကဆီုဝ်ကဆဲင်ဇီုင်းကာန်တီုက်ယာႈအရေးခံင်ယိူည်ႇ ၊ ပဇာရ်ဒဲႈဘည်လိုကူန်ရဝ်မာဂါင်ဂဲ ကဖြောမ်ကရောမ်တောပ်ကာည်း ပဇာရ်ဒဲႈလောင်ပိင်ငျာ ဘည်လိုနံပ်ဖေးအန္တရာယ်အရေးခံင်ယိူည်ႇကဲနီန် ပလှံင်ရူကော ကာည်း လှံင်အေဲမ်ငူည်။

ကုင်တအာင်း၊ အိူင်အိုမ်ယ်ုရ်၊ လှံင်အိုမ်ယ်ုရ်၊ ပရဝ်အိုမ်စောန် ကာည်း ရဝ်အိုမ်တက် ပ်ုန်ကယေင်ႎိူဝ်ႈ ႎါင်ပနောမောကံပ်ဘယ်ပဇာရ်ဒဲႈ ပ်ုန်နံပ်ဆမားလံပ်ဘာသာ၊ လှညီမ်မှိူမ် ကာည်း တြားဆမားကံမ်ကျံင်တို ကောန်တဘိုက်အီယိူဝ်ႇဘံန်းဂဲ ႎိူဝ်ႈပနောဟာဝ်း ဗုဒ္ဓဘာသာ ပ္လံက်တံင်ဇူႈ၊ လှညီမ်မှိူမ် ကဒါႇတအာင်း လှေင်(5)ဆငည်း။

ကုင်တအာင်း၊ အိူင်အိုမ်ယ်ုရ်၊ ပလှံင်ကုင်ငှေါ ကာည်း ခမိုပါလဲင်၊ ခမိုခူန်ခါ၊ ခမိုကွန်ဆလာမ်ကဲနီန် ဘံန်ဟောည်ႇဒေဲႈ ကျံရ်ပူရ်ဆငည်း(12)ဒိူန် တံပ်အွံရ်ပ်ုန်လောတ်ကပီုန်တအာင်း-PSLF/TNLA ဖုင်ကာ်မ်မတီဇီုင်းကာန်တီုက်ယာႈအရေးခံင်ယိူည်ႇ ဆီုပ်ရေဲန်ပါင်ကတူႈကငျားတောပ် ကူန်ရဝ်မာဂါင်ဂဲ အီကဆီုဝ်ကဆဲင်ဇီုင်းကာန်တီုက်ယာႈအရေးခံင်ယိူည်ႇ ၊ ပဇာရ်ဒဲႈဘည်လိုကူန်ရဝ်မာဂါင်ဂဲ ကဖြောမ်ကရောမ်တောပ်ကာည်း ပဇာရ်ဒဲႈလောင်ပိင်ငျာ ဘည်လိုနံပ်ဖေးအန္တရာယ်အရေးခံင်ယိူည်ႇ ကဲနီန်အောႏ။

ကုင်တအာင်း၊ အိူင်အိုမ်ယ်ုရ်၊ ပလှံင်မိူင်လိုင်၊ အခိင်ဖုင်ပလိက်ကုင်တအာင်း ရေဲန်ဇီုင်းကာန်စေတ်ဆေး အရေးခံင်ယိူည်ႇ ဒီဒေင်ကကာႈပရဝ်ပါင်ခေါဒိူန် ကနာည်တိုအီးကဇိူရ်ႈကယံင်းခံင်ယိူည်ႇ ကာည်း တိုအီးဒါခံင်ယိူည်ႇ မောကံပ်ဟြာည်ကမာ်ႈ ဘိူန်းတိုည်းတိုအီးကဇိူရ်ႈကယံင်းခံင်ယိူည်ႇ(1)အီး ကာည်း တိုအီးဒါခံင်ယိူည်ႇ(2)အီး။

ကုင်တအာင်း၊ အိူင်အိုမ်ယ်ုရ်၊ လှံင်အိုမ်ယ်ုရ်၊ ကျံရ်ပူရ်၊ ဆငည်း(9) ပရဝ်ရဝ်ခ်ုရ် ပ်ုန်ကယေင် ဖုင်ရေဲန်ယံင်းမျံမ်တအာင်းဂဲ ရေဲန်ပါင်ကတူႈကငျား တောပ်ကညားအီ‌ရေဲန်ဇီုင်းကာန်မျံမ် လောင်ဇီုင်းကာန်မျံမ်ကတာႈဒါင်းဇာရ်ဒါႇခူနီန်၊ ကနာည်နှာင်းဘိူန်းငေါ်ႈခံန်ဒါင်း၊ ကနာည်နံင်ဘယ်ရိူရ်ႈလေႈမျံမ်ပေန်၊ ကမိုန်ဟာဝ်းလောင်ဇီုင်းကာန်မျံမ်တောန်နဲ။

ကုင်တအာင်း၊ အိူင်အိုမ်ယ်ုရ်၊ ပလှံင်မိူင်လိုင် ပ်ုန်ကယေင်မောကံပ် ကူန်ရဝ်မာဂါင်အယ်ဂဲ ႎီရ်ဘိူန်းဇိုဇာတ်ပြီမ်ဂဲ ပ်ုန်ဖုင်ပလိက်လှံင်ဂဲဘိူန်းတိုည်းထိင်အူန်း တိုအီးဒါခံင်ယိူည်ႇအီမာည်း(5)အီးကဲနီန် ဟောည်ႇႎီရ်ဘြဲဆားဒဲႈအကျံင်ဂဲ လှေင်(6)ကျံရ် ႎီရ်အာပ်ဒဲႈဟာဝ်း တရဟောမ်ရမာ။