တအာင်းပြည်၊ တပ်မဟာ(၂)နယ်မြေ၊ မိုးကုတ်မြို့တွင် စစ်ကောင်စီတပ်မှ လေ‌ကြောင်းဖြင့် ဗုံးအလုံး(၂၀)ခန့် ကြဲချတိုက်ခိုက်မှုကြောင့် ဒေသခံ (၅)ဦးသေဆုံးပြီး (၁၉)ဦး ထိခိုက်ဒဏ်ရာရရှိခဲ့သည်။

တအာင်းပြည်၊ တပ်မဟာ (၂)နယ် သီပေါမြို့တွင် အမျိုးသားတစ်ဦးမှ စစ်ကောင်စီတပ် ထောင်ထားခဲ့သည့်မိုင်းတစ်လုံးကောက်ယူဆော့မိရာမှ ပေါက်ကွဲမှုဖြစ်ပြီး ပွဲချင်းပြီးသေဆုံး၊ တစ်ဦးမိုင်းစထိမှန်ဒဏ်ရာပြင်းထန်မှုရရှိခဲ့သည်။

တအာင်းပြည်၊ တပ်မဟာ (၃)နယ်မြေ၊ မိုးမိတ်မြို့နယ်အတွင်း ပလောင်ပြည်နယ်လွတ်မြောက်ရေးတပ်ဦး PSLF/TNLA၏ မြေယာနှင့် သစ်တောထိန်းသိမ်းကာကွယ်ရေးဌာနမှ ကန့်သတ်ကြိုးဝိုင်း (၅)ဝိုင်း သတ်မှတ်ခဲ့သည်။

ပလောင်ပြည်နယ်လွတ်မြောက်ရေးတပ်ဦး PSLF/TNLA အုပ်ချုပ်သော ခရိုင် (၅)ခရိုင်ဖြစ်သည့် ကျောက်မဲခရိုင်၊ မိုးကုတ်ခရိုင်၊ ကွတ်ခိုင်ခရိုင်၊ နမ့်ဆန်ခရိုင်နှင့် နမ့်ခမ်းခရိုင်တို့တွင် တရားဥပဒေစိုးမိုးရေးတပ်ဖွဲ့မှ တစ်လအတွင်း မူးယစ်ဆေးဝါးသုံးစွဲသူ (၁၂၆)ဦးနှင့် ရောင်းဝယ်သူ (၁၃)ဦး ဖမ်းဆီးနိုင်ခဲ့သည်။