တအာင်းပြည်၊ တပ်မဟာ(၂)နယ်မြေ သီပေါမြို့တွင် စစ်ကောင်စီတပ်မှ ဂျက်ဖိုက်တာဖြင့် ပေါင်(၅၀၀)ဗုံး အပါအဝင် ဗုံး(၅)လုံးထက်မနည်း ကြဲချတိုက်ခိုက်ခဲ့ပြီး ဒေသခံပြည်သူ(၁)ဦးသေဆုံးခဲ့ပြီး (၁၀)လသားအရွယ်ကလေးငယ်အပါအဝင် (၈)ဦး ထိခိုက်ဒဏ်ရာရခဲ့သည်။

တအာင်းပြည် တပ်မဟာ(၅)နယ်မြေ၊ ကွတ်ခိုင်မြို့နယ် လွယ်ဆိုင်ကျေးရွာတွင်နေထိုင်သည့် အမျိုးသားတစ်ဦးသည် စစ်ကောင်စီထောင်ထားသည့် မြေမြှုပ်မိုင်းတစ်လုံးကို နင်းမိပြီး ပေါက်ကွဲကာ ​၎င်း၏ခြေထောက်တစ်ဖက်ပြတ်ထွက်သွားခဲ့သည်။

တအာင်းပြည်၊ တပ်မဟာ(၂)နယ်မြေ သီပေါမြို့တွင် စက်တင်ဘာလ ၂၈ ရက်နေ့မှ ၃၀ ရက်နေ့အထိ သုံးရက်အတွင်း စစ်ကောင်စီတပ်မှ ပြည်သူများကို ဦးတည်ပြီး လေကြောင်းအသုံးပြုပြီး ​ဗုံးကြဲတိုက်ခိုက်မှုကြောင့် ဒေသခံ(၄)ဦး သေဆုံးကာ (၁၁)ဦး ထိခိုက်ဒဏ်ရာရရှိခဲ့သည်။

တအာင်းပြည်၊ တပ်မဟာ(၂)နယ်မြေ ကျောက်မဲမြို့ အမှတ်(၇)ရပ်ကွက်၊ နယ်မြေ(၄)တွင် နေအိမ်တစ်လုံး မီးလောင်မှုဖြစ်ပွားခဲ့ပြီး စိတ်ဝေဒနာခံစားနေရသည့် အမျိုးသားတစ်ဦး မီးလောင်ဒဏ်ရာရရှိခဲ့သည်။

တအာင်းပြည်၊ တပ်မဟာ(၂)နယ်မြေ နောင်ချိုမြို့နယ်တွင် ယနေ့နံနက် (၁း၀၅)မိနစ်အချိန် စစ်ကောင်စီတပ်သည် Jet Fighter ဖြင့် ဖျက်အားပြင်းလက်နက်အမျိုးအစားဖြစ်သည့် ပေါင်(၅၀၀)​ဗုံး လေးလုံး လာရောက်ကြဲချတိုက်ခိုက်ခဲ့သည်။