တအာင်းပြည်၊ တပ်မဟာ (၁)နယ်‌မြေ၊ စစ်ကောင်စီတပ်ထိန်းချုပ်ထားသည့် မူဆယ်မြိုတွင် ပြီးခဲ့သည့် ဒီဇင်ဘာလ တစ်လအတွင်း ပိုင်ရှင်မဲ့ ရုပ်အလောင်း (၆)လောင်းနှင့် လုယက်ဓားပြတိုက်မှု (၃)ကြိမ် ဖြစ်ပွားခဲ့ပါသည်။

တအာင်းပြည်၊ တပ်မဟာ (၁)နယ်မြေ၊ မူဆယ်မြို့နယ်၊ ပန်လုံကျေးရွာနေ အမျိုးသားတစ်ဦး မိုင်းနင်းမိရာ ခြေထောက်တစ်ဖက်ပြတ်ထွက်ပြီး ပြင်းထန်ဒဏ်ရာရရှိခဲ့သည်။

တအာင်းပြည် တပ်မဟာ (၂)နယ်မြေ၊ မိုးကုတ်မြို့အရှေ့ပိုင်းတွင် စစ်ကောင်စီတပ်မှ လာရောက်ဗုံးကြဲတိုက်ခိုက်ခဲ့ပြီး ဂေါက်ကွင်းနှင့် မစိုးရိမ်ကျောင်းတိုက်အတွင်း ကျရောက်ပေါက်ကွဲခဲ့ပါသည်။

တအာင်းပြည်၊ တပ်မဟာ (၃)နယ်မြေ၊ မန်တုံမြို့နယ်၊ မုံခအုပ်စု၊ ဟင်းဟောင်းကျေးရွာတွင် ပဓာနနာယကဆရာတော်ဘဒ္ဒန္တနန္ဒသီရိ၏ အရိုးတော်ကို ဌာပနာထားရန် အရိုးအိုးစေတီတော်ကို ဒီဇင်ဘာလ (၂၅) ရက်တွင် သံဃာတော်များနှင့် ရွာသူ/ရွာသားများ ထီးတင်ခြင်းအခမ်းအနား ကျင်းပသည့် မြင်ကွင်းဖြစ်ပါသည်။