တအာင်းပြည်၊ မန်တုံမြို့တွင် ဖွင့်လှစ်ထားသော အလင်းသစ်ပညာရေးဘော်ဒါဆောင် (New Sunshine Education Centre - N.S.E.C) သည် လာမည့် ၂၀၂၆ - ၂၀၂၇ ပညာသင်နှစ်အတွက် တအာင်းကျောင်းသား/သူများအား စတင်လက်ခံနေပြီဖြစ်ပါသည်။

တအာင်းပြည်၊ နမ့်ဆန်ခရိုင်၊ နမ့်ဆန်မြို့တွင် ပထမအကြိမ်အဖြစ် ကျင်းပသည့် အပြည်ပြည်ဆိုင်ရာ လက်ဖက်နေ့ (International Tea Day) အခမ်းအနားကို ပလောင်လက်ဖက်စိုက်ပျိုးထုတ်လုပ်ရောင်းချသူများအသင်း၏ ဦးဆောင်မှုဖြင့် ယမန်နေ့ မေလ (၂၁) ရက်နေ့တွင် ကျင်းပပြုလုပ်ခဲ့ပါသည်။

တအာင်းပြည်၊ နမ့်ဆန်ခရိုင်၊ နမ့်ဆန်မြို့နယ်တွင် ပလောင်ပြည်နယ်လွတ်မြောက်ရေးတပ်ဦး PSLF/TNLA ဦးဆောင်ဖွင့်လှစ်သည့် ကျေးရွာအုပ်စုစာရေးနှင့် ရပ်ကွက်စာရေး အပတ်စဉ် (၉) သင်တန်းဖွင့်ပွဲအခမ်းအနားကို ပြီးခဲ့သည့် မေလ (၁၇) ရက်နေ့တွင် ကျင်းပပြုလုပ်ခဲ့ပါသည်။

တအာင်းပြည်၊ မန်တုံခရိုင်၊ နမ္မတူမြို့နယ်တွင် တအာင်းကျန်းမာရေးအဖွဲ့အစည်း (Ta'ang Health Organization - THO) နှင့် တအာင်းပြည် ကျန်းမာရေးကောင်စီ (Ta'ang Land Health Council - THC) တို့ ပူးပေါင်း၍ အသက် (၅) နှစ်အောက် ကလေးငယ်များအား ကာကွယ်ဆေးများ ထိုးနှံပေးသွားမည်ဖြစ်သည်။

တအာင်းလူမျိုးများကြား ထင်ရှားကျော်ကြားသည့် “ဆငည်းဟိုက်ဇိုက်ဇား” သီချင်းကို ဖန်တီးရေးသားခဲ့သူ အသက် (၇၇) နှစ်အရွယ် တေးရေးဆရာ တားမြတ်ထွန်းသည် ပြီးခဲ့သည့် မေလ (၁၈) ရက်နေ့ ည (၉း၄၅) နာရီအချိန်တွင် လားရှိုးမြို့နယ်၊ ခေးနင်းကျေးရွာရှိ ၎င်း၏နေအိမ်၌ လူကြီးရောဂါဖြင့် ကွယ်လွန်အနိစ္စရောက်ရှိသွားခဲ့ကြောင်း မိသားစုနှင့် နီးစပ်သူများထံမှ သိရသည်။

တအာင်းပြည်အတွင်း နေထိုင်ကြသော မိဘပြည်သူများအနေဖြင့် မိမိတို့နေထိုင်ရာ ကျေးရွာများနှင့် အနီးပတ်ဝန်းကျင်များတွင် ကြက်၊ ဝက် အစရှိသည့် အိမ်မွေးတိရစ္ဆာန်များ အစုလိုက်အပြုံလိုက် ရုတ်တရက် သေဆုံးမှုများ ဖြစ်ပွားနေပါက အထူးသတိပြုကြရန်နှင့် နီးစပ်ရာ ကျန်းမာရေးဌာနများသို့ အမြန်ဆုံး သတင်းပေးပို့ကြရန် တအာင်းပြည်ကျန်းမာရေးကောင်စီ (Ta'ang Land Health Council - THC) မှ တိုက်တွန်းနှိုးဆော်ထားပါသည်။

တအာင်းပြည်၊ နမ့်ဆန်ခရိုင်၊ နမ့်ဆန်မြို့နယ်ရှိ သမိုင်းဝင်တောင်ရိုးဘုရားစေတီကုန်းပေါ်တွင် PSLF/TNLA ၏ ဌာနဆိုင်ရာများနှင့် ဒေသခံပြည်သူများ ပူးပေါင်း၍ မေလ (၁၅) ရက် ကဆုန်လကွယ်နေ့တွင် သစ်ပင်နှင့် ပန်းပင်ပေါင်း (၁၀၀၀) ကျော်ကို စိုက်ပျိုးခဲ့ကြသည်။