ပလောင်ပြည်နယ်လွတ်မြောက်ရေးတပ်ဦး PSLF/TNLA အုပ်ချုပ်သောမြို့နယ်များတွင် ဖေဖော်ဝါရီလ တစ်လအတွင်း မိုင်းကြောင့် ကလေးငယ်အပါအဝင် (၆)ဦး သေဆုံး၊ (၈)ဦး ပြင်းထန်ဒဏ်ရာရရှိခဲ့ပါသည်။

ပလောင်ပြည်နယ်လွတ်မြောက်ရေးတပ်ဦး PSLF/TNLA အုပ်ချုပ်သောမြို့နယ်များတွင် ဖေဖော်ဝါရီလ တစ်လအတွင်း မီးလောင်မှု (၃)ကြိမ်ဖြစ်ပွားပြီး ဒေသခံ (၃)ဦး မီးလောင်ဒဏ်ရာရရှိကာ ကျပ်သိန်းပေါင်း (၈၅၀)သိန်းကျော် မီးလောင်ဆုံးရှုံးသွားခဲ့သည်။

တအာင်းပြည်၊ တပ်မဟာ (၂)နယ်မြေ၊ နောင်ချိုမြို့နယ် ရွှေမုဠောကျေးရွာတွင် စစ်ကောင်စီတပ်မှ လေကြောင်းဖြင့် ဗုံးကြဲတိုက်ခိုက်မှုကြောင့် မယ်သီလရှင် (၁)ပါး ထိခိုက်ဒဏ်ရာရရှိခဲ့သည်။

တအာင်းပြည်၊ တပ်မဟာ (၂)နယ်မြေ၊ ကျောက်မဲခရိုင်၊ နောင်ချိုမြို့တွင် တရားဥပဒေစိုးမိုးရေးရဲတပ်ဖွဲ့မှ မူးယစ်ဆေးဝါးရောင်းဝယ်သူ (၁)ဦးကို ဖမ်းဆီးရမိခဲ့သည်။

ပလောင်ပြည်နယ်လွတ်မြောက်ရေးတပ်ဦး PSLF/TNLA အုပ်ချုပ်သောမြို့နယ်များတွင် ဖေဖော်ဝါရီလ တစ်လအတွင်း ယာဥ်တိမ်းမှောက်မှုနှင့် ယာဉ်တိုက်မှု (၆)ကြိမ်ဖြစ်ပွားခဲ့ကာ ဒေသခံ (၃)ဦး သေဆုံးပြီး (၅)ဦး ထိခိုက်ဒဏ်ရာရရှိခဲ့သည်။

ပလောင်ပြည်နယ်လွတ်မြောက်ရေးတပ်ဦး PSLF/TNLA၏ ဌာနတစ်ခုဖြစ်သည့် အမျိုးသမီးဖွံ့ဖြိုးတိုးတက်ရေးဌာနသည် ဖေဖော်ဝါရီလအတွင်း ကျေးရွာပေါင်း (၂၀)ရွာရှိ ဒေသခံပြည်သူများထံ အသိပညာပေးမှုများ ကွင်းဆင်းဆောင်ရွက်နိုင်ခဲ့သည်။

တအာင်းပြည်၊ တပ်မဟာ (၂)နယ်မြေ၊ မိုင်ငေါ့မြို့နယ် မာမို့ကျေးရွာတွင် ပဓာန နာယကဆရာတော် ဘဒ္ဒန္တဣန္ဒကမဟာထေရ်မြတ်သည် သက်တော် (၉၀)နှစ်၊ သိက္ခာတော် (၇၀)ဝါဖြင့် ၁၃၈၆-ခုနှစ် တပိုတွဲလဆုတ် (၁၃)ရက် အင်္ဂါနေ့ နံနက် (၁၁း၄၅)နာရီအချိန်တွင် ဘဝနတ်ထံပျံလွန်တော်မူခဲ့သည်။

တအာင်းပြည်၊ တပ်မဟာ(၁)နယ်မြေ၊ မိုင်းယု(၁၀၅)မိုင်တွင် သားအဖ(၂)ဦးမှ ဆိုင်ကယ်စီးရာတွင် ဖခင်ဖြစ်သူမှ ရုတ်တရက်သတိလစ်ကာ တိမ်းမှောက်မှုဖြစ်ပွားရာ ယာဥ်မောင်းဖြစ်သူမှ သေဆုံးခဲ့ပြီး သားဖြစ်သူမှ ဒဏ်ရာပြင်းထန်ရရှိခဲ့သည်။

တအာင်းပြည်၊ တပ်မဟာ (၂)နယ်မြေ၊ သီပေါမြို့နယ် ဘော်ကြိုအုပ်စု ဆားတွင်းကျေးရွာတွင် ဆိုင်ကယ်ယာဥ်တိုက်မှုဖြစ်ပွားရာမှ ယာဥ်မောင်း (၂)ဦး ပြင်းထန်ဒဏ်ရာရရှိခဲ့သည်။