၁။ မိမိတို့ PSLF/TNLA အဖွဲ့အစည်း၏ အမည်၊ Logo၊ အလံနှင့် သတင်းအကြောင်းအရာများကို အသုံးပြု၍ Facebook လူမှုကွန်ရက်စာမျက်နှာပေါ်တွင် "PSLF/TNLA News" အမည်ဖြင့် Follower (၃,၅၀၀) ကျော်ရှိသော Page အတုတစ်ခု ဖန်တီးထားပြီး၊ မိမိတို့ PSLF/TNLA အဖွဲ့အစည်းအား အယောင်ဆောင်ကာ သတင်းအတုများ၊ သတင်းအမှားများနှင့် လုပ်ကြံဖန်တီးထားသော အကြောင်းအရာများကို ဖြန့်ဝေရေးသားလျက်ရှိကြောင်း စိစစ်တွေ့ရှိရပါသည်။

တအာင်းပြည်၊ နမ့်ဆန်၊ မိုင်းလုံနှင့် ကျောက်မဲမြို့နယ်တို့တွင် မေလနောက်ဆုံးပတ်တွင် မူးယစ်ဆေးဝါးရောင်းဝယ်သူ အမျိုးသား (၂)ဦးနှင့် သုံးစွဲသူ (၈)ဦးတို့ကို တအာင်းပြည် မြို့နယ်ရဲတပ်ဖွဲ့မှ ဖမ်းဆီးရမိခဲ့သည်။

ပလောင်ပြည်နယ်လွတ်မြောက်ရေးတပ်ဦး PSLF/TNLA ၏ ဌာနတစ်ခုဖြစ်သည့် အမျိုးသမီးဖွံ့ဖြိုးတိုးတက်ရေးဌာနသည် မေလအတွင်း တအာင်းပြည်ရှိ ကျေးရွာပေါင်း (၁၃) ရွာမှ ပြည်သူလူထုများထံ ကွင်းဆင်း၍ အသိပညာပေးလုပ်ငန်းများ ဆောင်ရွက်နိုင်ခဲ့သည်။

တအာင်းပြည်၊ နမ့်ခမ်းခရိုင်၊ နမ့်ခမ်းမြို့နယ်၊ ကောင်းတပ်ကျေးရွာအတွင်း မိုင်းတွင်းကျောက်ထုတ်လုပ်ရေးလုပ်ငန်းများတွင် အသုံးပြုရန် သိုလှောင်ထားသော ယမ်းပျော့များ မတော်တဆ ပေါက်ကွဲမှုဖြစ်ပွားခဲ့ပါသည်။