ဂေါႇဆီုက်ဘြာန်ဇေဝ်ဂဲ ဒါပ္လေဘျုင်မိူဝ်ႈကောင်ပဴင်ဘည်ဒီန် ကောန်ဆီုက်တံပ်နာန်းတအာင်းကဲ ကတူႈဘည်မံဝ်း၊ ဘည်ဂိူဝ်း၊ ဘည်ဂေါည်ကီန်းဒည်း၊ ဘည်မှောည်၊ ဘည်တိုႈဖိူမ်ချာ်န်း ပဲန်မိူဝ်ႈဒိုႇလက္ခဏာဘည်နီန် ဘည်ကဇေန်နီး ကောန်ဆီုက်(TNLA)(3)အီး ကတူႈဆနံမ်းအူန်း ပယုင်ဆနံမ်။

ယာမ်မိုႈ ကျံရ်တီမ်၊ ဆငည်း(20)ဒိူန် အခိင်ဖုင်ပလိက်ကုင်တအာင်းဂဲ ရေဲန်ဇီုင်းကာန်စတ်ဆေးအ‌ရေးခံင်ယိူည်ႇ စီဘိူန်းတိုည်း တာထဲက်နာည်အူး အဆာက် (32)ဆန်ုမ် ယိူဝ်းကဂေါပ်တောပ် ကအာင်းယာမ(20)ကအာင်းကာည်း ဓှိုင်(Oppo)အူပိုင်း။

ကုင်တအာင်း၊ အိူင်မိုဂူႈ၊ လှံင်မိူင်လိုင်၊ ပရဝ်ပါင်ဆပေ ဂေါႇဆီုက်ဘြာန်ဇေဝ်ဂဲ ဒါယာင်ပ်ုရ် ရောတ်ဒေဲႈပဴင်ပ္လေဘျုင် ထာန်ဇံန်(500)(2)ပိုင်း လံက်ကျောင်စဝ်ကာည်း ဂါင်ဂေါည်(20)ဂါင် လူလှဲဝ်ႏဟာဝ်း။

ဘံန်ဟောည်ဒေဲႈ ကျံရ်တီမ် ဆငည်း(23)ဒိူန် အာဝ်မိူဝ်ႈပဲန်ကတီုက်ကပဴင်မာ် ဂေါႇဆီုက်ဘြာန်ဇေဝ်ဂဲ ဒါပ္လေဒါင်းပဴင်လီပ် ခေဲင်ရဝ်ပီန်ပေါ လံက်ဟာဝ်းတာဆံန်လူန်အီးယံမ်းပွံတ်ကဆီုဝ်ဒီန်၊ ကဝ်အီမိုႈအီပ်ုန်အ်ုန် ယာနီနီကာည်း ကောန်အ်ုန် ဆုနဒီလူန် စီကတူႈဖေးဘာတ်။

ဆီုက်ဘြာန်ဇေဝ်ဂဲ အီဂေါည်ခေဲင်လှံင်လာဆေဝ် တိုန်းလေႈတိုအီးဂဲ ကနာည်နှာင်းရေဲန်ဒဲႈ ကညာလံပ်ထေဝ်စဲမ် ဒဲႈဆဒါင်တဂဲ ဒီဘြောင်ချှာင်ခေဲင်ကုင်လှံင် တံပ်ပ်ုန်လောတ်ကပီုန်တအာင်း- PSLF/TNLA ဒီမိုႈ ဘည်ဂိက်၊ ရဲင်ဘ္လောမ်တိုအီး ဂေါည်ပဂိက်၊ ဘည်မိူဝ်ႈလာက်နာက်၊ ဒီဂေါည်တံပ်ဆခါန်း ကာည်း ဘည်ဒီမိူဝ်ႈတိုအီးဂီုန်းကဲနီန်။

ကျံရ်တီမ် အမှိူဝ်ဆငည်း(22)ဒိူန် ကဝ်အီမိုႈ တာချီတ်အိုင်း (ဒါ်ႈ) အံင်ချီတ် အဆာက်ဘိူန်း(49)ဆန်ုမ် အခိင်အ်ုန်ရလှုဇီုင်းဒိူန် ဂေါႇအ်ုန်က်ုရ်ဆူရ်ဒေတျံင် ဖိင်လူည်း ကာည်း အိုမ်ဘာႈ စီပဲန်ဆျှောတ် ယံမ်းဟာဝ်း။

ကျံရ်တီမ် အမှိူဝ်ဆငည်း(22)ဒိူန် ကဝ်အီမိုႈ တာချီတ်အိုင်း (ဒါ်ႈ) အံင်ချီတ် အဆာက်ဘိူန်း(49)ဆန်ုမ် အခိင်အ်ုန်ရလှုဇီုင်းဒိူန် ဂေါႇအ်ုန်က်ုရ်ဆူရ်ဒေတျံင် ဖိင်လူည်း ကာည်း အိုမ်ဘာႈ စီပဲန်ဆျှောတ် ယံမ်းဟာဝ်း။

ဘံန်ဟောည်ႇဒေဲႈ ကျံရ်တီမ် ဆငည်း(17)ဒိူန် အခိင်ဖုင်ပလိက်လှံင်ကုင်တအာင်းဂဲ ရေဲန်ဇီုင်းကာန်စေတ်ဆေးဒိူန် ဘိူန်းတိုည်းတိုအီးကဇိူရ်ႈကယံင်းခံင်ယိူည်ႇ တာစီပေါက် အဆာက်(32)ဆန်ုမ် ကာည်း တာအတီ အဆာက်(40)ဆန်ုမ် ဘိူန်းတိုည်းကဂေါပ်တောပ်ဂါရ် ဖိင်လူည်းဟံပ်အူန်းကဘဲဝ်အိုမ်ငါမ်းကဒည်ကဘဲဝ်၊ ကဘဲဝ်ဒဲႇ(1)ကဘဲဝ် ကာည်း ဆနံမ်ယာမ(45)ကအာင်။

ဘံန်ဟောည်ႇဒေဲႈ ကျံရ်တီမ် ဆငည်း(17) အခိင်ရဆံန်(1)နြီဒိူန် အီမာည်းနီန် ဂါရ်ႎါးအ်ုန် အခိင်ဟာဝ်းတီပ်ဟြီုက်ဘံင်တဘြည်ဒိူန် အခိင်ဂါရ်ဆာင်းလာင်းဒေင် ငျားက္လလံက်မဴင်အူပိုင်းပ်ုန်ႎီုန်အူန်း ဆီုက်ဘြာန်ဇေဝ်ဂဲအာည်ႇနီန် ပဒူႈဟာဝ်း။